Aizawl July 2, 2024 : Tunhnai Ruah sur nasa in chhiatna hrang hrang athlen avanga Nunna hlu tak chan an awm hi ZPM Thalai Hqrs. chuan pawi an tiin Nunna chante kan lainat a, Nunna chan chhungkua te an tawrhpui in, an chhung leh khat, thenrual thate Pathian thlamuanna in a awmpui an duhin an tawngtai pui an ti.

Heng chhiatna thleng avanga Chenna in chhia bakah inhmun, huan lo ram chan phah hial an awm chu ZPM Thalai chuan pawi kan tihpui in kan tawrhpui thu an sawi bawk.

ZPM Thalai chuan, "Heng khuarel chhiatna kan tawh karah hian Mihringin kan insiam chawp avanga harsatna kan tawh thin hmuh tur hmun hrang hrangah a awm fo thin te hi ZPM Thalai chuan pawi ati in, Ram leh hnam khawtlang enkawlna kawnga mawhphur tuten kan thuneihna zawnah Dan leh thupek kenkawh chungchangah tan lak angaih zia a tarlang chiang," an ti bawk.