Aizawl May 11, 2024 : Chhinga Veng Branch YMA chuan vawiin 11.05.2024 khan an vengchhunga Rawlthar thlan laih in zirtirna leh infuih tharna hun, Holiday Palace ah an nei.

He hunah hian Chhinga Veng chhunga Rawlthar 165 telin, Chhinga Veng Branch YMA Executive Committee member ten inzirtirna hun hi an hman pui a. A hawnna inkhawm ah hian YMA Member te mawhphurhna te in zirtir in, Holiday Palace huam chhung hmun remchang laiah hmun 5 a insem darh in thlan laih in zirtirna chu a takin an nei a ni.

Heng rawlthar te ho tur hian Group Leader inruat in, uluk takin hmanraw chelek dan leh thlan laih dan te an in zirtir a. Rawlthar te hian a chhawk a thlan laiin, a thuk tawka an ngaih hnuah anmahni vekin an vur leh a ni. Chhinga Veng Branch YMA chuan he hmalakna hi hlawkthlak an ti a, Kumpuan Thupui “Ram leh Hnam Humhalh” tih chu a tak a kalpui a, hmalak chhunzawm zel an tum thu dawn a ni.