July 4, 2023; Nimin khan chhun pachang ah Synod Hospital quarter no 14 chu rawk niin, quarter luahtuten an nu leh pa ro an dahthat, rangkachak thi, bengbeh leh zungbun te ruk chhuah a ni.

ZALEN thudawn danin, quarter luahtute hi Zonunmawia h/o Dr. B. Lalnunthari te chhungkua an ni a, misual in a rawk hun hi nimin chhun dar 12 bawr vel nia hriat a ni.

Rukru hi kawngkapui kar chhia in a lut a, in luahtuten an nu leh pa te hnutchhiah ro atana an dahthat rangkachak thi, bengbeh leh zungbun te rukchhuah niin, heng bakah hian power bank leh phone charger te ruk a ni bawk a, phone erawh an la lo thung.

He thil thleng hi hriat a nih veleh Bawngkawn police te hriattir nghal an ni a, police te a hmunah kalin, thil thlen dan an enfiah a, he thu ziahlai thleng hi chuan misual hi man a la ni lo.