July 12, 2023; Lamzawl khua a Dawnfawh chingtu chhungkaw 16 chauh te chuan kumin ah quintal 300 chuang Dawnfawh an thar.

Watermelon Society, Lamzawl hruaitute hnen atanga ZALEN thudawn danin, nikum lam khan a hralhna lamah harsatna an lo tawk tawh a, chumi vang chuan Dawnfawh chingtu chhungkaw 30 awm thin pawh kuminah chhungkaw 16 ah an tlahniam.

Hetihlai hian taima leh rim taka an thawh avangin, kumin ah quintal 300 chuang an la thar thei a, a hralhna ah harsatna lian tham tawh neilo in, kg ah Rs. 30 in an tiral thei.

Lamzawl khua hi khaw mal ang chuan Dawnfawh thar hnem ber nia ngaih an ni a. Kumin bikah hian chhungkaw pakhatin an Dawnfawh thar atangin Rs. Nuai 4/5 bawr vel te an lei thei.

'Taimak a, hratlak a, chhelna leh thawhrimna a kalkawp chuan, chutah chuan ei a awm thin'