ZALEN January 12, 2026 : ZPM chuan vawiin khan an party office-ah kum 2026-a Party chhung inkhawm hmasa ber an hmang a, Chief Minister Lalduhoma chuan, "Kan party-a awm zawng zawngte, kan zavai hian ngaihdam ngai apiang inngaidamin kum thar hi inremnain bul i tan ang u," a ti a, Sawrkarana an chan atanga ni sarih hnu atangin an over draft tawh lo niin a sawi.

Chief Minister chuan, "Kan hriat angin 2023 kumtawpah ni 7 chhungin theih tawpin tan kan la nghal chuta tang chuan vawiin thlengin kan over draft leh tawh lo a ni' a ti a. Chief Minister chuan, Committed liability an tih hi leibat hlui kan tih kumhnih chhunga kan tihfel hi cheng nuai 6311 a ni. La rulh hmabak hi nuai 7646 kan nei. Kan tih nimiah lo min hnutchhiah ang hi keini chuan neih ve kan tum lo. Kan Health Care Scheme system aia tha hi hmanni deuh a Punjab state-in an rawn duan thar bak kha chu India ramah a tha ber kan ni. Kan sawrkar atanga ni 20 lekah CBI-ah General consent kan pe nghal bawk a, buhfai buk a dik nghal em em ringnawt pawh hi a thlarau lam thil a, retailer-in sembang an hralh thin kan ti tawp a retailer lawmmante pawh kan ti pung bawk," a ti.

Chief Minister hian sawrkar department hrang hrang hmalakna te sawiin, Kawng siamna khawl pawimawh kawng siamna sawisak an tuar a, kawngtha neih duhlo leh ZPM sawrkar hmingthatna daltute hi manchhuakin na takin an hrem zel dawn a ti. An tum ber ram rorelnaah ”Pathian ram thlen tir” a ni a, an sawrkar hnu hian chutiang ang thlenna tur chu Pathian in a pe a, USA atangin 'Go Harvest' thalai rualte an lo kal a, an vei ber ram rorelna siamthat, Pathian ram thlentir kha an lo thupui ber a, chutiangin Youth Festival, a sing tela Pathian faka Lammualah an in kokhawm thei kha a lawmawm hle a ni, a ti.