Kum 57 mi American model Cindy Crawford chuan runway a zawh ve leh ta  a, a la nula zek zek hle. Naomi Campbell, Linda Evangelista leh Christy Turlington te nen Vogue World: London event-ah an inlan ho a, mipui lawm an hlawh hle. 

He event hi September 14 khan Theatre Royal Drury Lane-ah neih a ni a, September 19 thleng a awh dawn a ni. Heng super model pali - Cindy Crawford, Naomi Campbell, Linda Evangelista leh Christy Turlington te hian Eurythmics star Annie Lenno-i'n a hla hit 'Sweet Dreams' a perform laiin designer kut chhuak inbelin runway an zawh a, mipui thawm a ring hle. 

Cindy Crawford hi a hun laia model lar berte zinga mi a ni a, kum 1980 - 1990 chho kha chuan runway leh magazine cover velah a lag nasa thin hle. Hmelthain lar viau mah se pasal a tlo vak bik lo a, pasal pahnih a then tawh a, fa pahnih a nei tawh bawk.