September 4, 2023; Central KTP buatsaih 'Chhanchhuahna Camping' kar thum awh tur chu vawiin atangin Synod Camping Centre, Neihbawih-ah neih tan a ni.

'Chhanchhuahna Camping' hi vawiin atanga tana September ni 23 thleng neih tur a ni a, Tual Upa Jerry Laltanpuia, Krista Remna Palai Team chu Camp speaker tur a ni a. Camping neih tan atanga ni 10 chhung chu detox hun atan hmang phawtin, September ni 13 atangin team te'n hun an hmang tan dawn a ni.

Camping-a lut turte hi vawiin chawhma dar 10 atang khan an in ziak lut tan a, tlai dar 3 vel thleng mi 200 vel an in ziak lut tawh a. Campers te hi Branch KTP buaipuina hnuaia lut an ni a, hetihlai hian KTP kum bithliah kum 40 pel tawh leh kohhran dang atanga lut an awm nual a ni.