Aizawl March 18, 2022: Chief Minister Zoramthanga chuan vawiin khan Hlimen a Transport Department hmun (Central Workshop) chu a hmunah tlawhin hmasawnna ruhrel din theih dan tur a enfiah. 

Transport Department hmun hi tangkai zawka hman a nih theih nan Transport Department leh Public Works Department hotu thenkhat te nen an enfiah a ni. Ruahmanna lo siam chhin tawh te thlirho a ni a, public transport hrang hrang park na hmun pui atan mai bakah tangkai leh daihzai taka hman a nih theih dan tur sawiho a ni.

Aizawl South-III bialtu MLA Prof. F. Lalnunmawia chuan Chief Minister hi a tawiawm a. Khawtlang hruaitute an tel bawk a ni.