AizaMizoram University (MZU) Southern Campus, Lunglei bultan thuai a nih theih nan Chief Minister Zoramthanga leh sawrkar hotu dangten nimin khan Pukpui tlawhin hmalak tul leh hmachhawp hrang hrang te an sawiho.

MZU Southern Campus atana hman lailawk tum, Pukpui Engineering College chu tlawh tum a ni a, a kawng a that loh avangin a hmun thlen theih a ni lo.

Pukpui Engineering College building hi MZU Southern Campus atan hman thuai a nih theihna turin a panna kawng siam that a ngaih bakah tui leh power supply ruahman a la ngai bawk. 

Mamawhte ruahman tura engineer-ten plan an siam fel tawh angin a hna thawhna tura a tul ang pawisa sanction nghal turin ruahmanna siam nghal a ni a, hna tan nghal turin chief minister chuan PWD, PHE leh P&E Department hotute chu hmalak dan tur a hrilh.