9January 5, 2024; Chief Minister Lalduhoma'n sawrkar official te a fak a, ni 100 chhung a an thil tih tum tihhlawhtlin pawh an nei nual tawh niin a sawi.

Vawiin tlai a CM Conference Hall a thuthar thehdarhtute a kawmna ah he thu hi sawiin, sawrkar official an ran thu te, an taimak thu te a sawi a, tun thlengin ni 100 chhung a tihhlawhtlin tur an puan ah tihhlawhtlin engemawzat an neih thu te sawiin, sawrkar hnathawkte chung lawmthu a sawi.

CM chuan sawrkar laipui hotu hrang hrang a kawmna te sawi bawkin, India sawrkarin India leh Myanmar inrina hung a tum chu tha an tih loh thu a thlen tih a sawi a, India sawrkarin ramri hung a tum chu a thulh ngei a rin thu a sawi.

CM chuan sawrkar laipui hotute dawr a a zinna ah engmah dil a neih lo tih a sawi a, Prime Minister nena an inhmuhna ah a zin leh hmasak berah special packge a dil tur thu a thlen niin a sawi.

CM zin hi a PS chauhin a zui a, Delhi a cham sa Chief Secretary leh Delhi Mizoram House RC ten a tul angin an tawiawm thin.

CM Duhoma thusawi thenkhat :

> Manipur leh Myanmar raltlante duat takin kan enkawl dawn. Chhawmdawlna pawh kan kalpui ang.

> NHIDCL kawng laih dan ang reng a an kal hi kan remti dawn lo.

> Kan ram Mau a nih ang ang a hman tangkai kan tum.

> Myanmar raltlan te hi an rambuai a reh hma chuan kan thawn haw dawn lo. Thlamuang takin lo awm rawhse.

> AAI kutah emaw Adani Group kutah emaw Lengpui Airport hlan tum a ni.

> Aikal la nawlpui tihtawp a ni dawn.

> Assam nen a kan ramri ah tharum thawhna thleng lo se kan duh. Buai loh lai a ramri chingfel turin hma kan la dawn.