August 19, 2023; Chief minister Zoramthanga'n nimin tlai a a bial chhung in chim leh a neitute tlawhin, sawrkar anga puihna awm theite leh mamawh an lo thlen te ngaihtuahpui a tiam.

A official IG page a a tarlan danin, nimin tlaia a bial chhung, Zemabawk Bethel venga chhungkaw chenna in chimna hmun chu vawiin ah a tlawh a. In neitu KC Zauva leh Lalrammuani te chhungkua a tawrhpui thu leh sawrkar anga puihna awm theite leh mamawh an lo thlente ngaihtuahpui an ni dawn tih a tarlang.

Chhiatna thlenna hmunah hian a ṭul anga tanpui hna thawk turin sawrkar lam atangin Aizawl District Disaster Management Authority te bakah Branch YMA leh veng chhung leh veng hnaia awm mipuite an thawk chhuak nghal tih tarlangin, tlawmngaia thawk chhuak zawng zawngte fakawm a tih thu a tarlang bawk.

CM chuan In chimnaah nunna chan leh hliampui tuar an awm lo hlauh chu vanneihthlak a tih thut tarlang bawkin, hliam tenau tuarte an dam leh thuai a duhsak thu leh chhiat tawk chhungkuate Pathian thlamuanna leh awmpuina a dilsak tih a tarlang.

Chief Minister hian hnatlangte thingpui lum nan Zemabawk West Branch YMA kutah Rs. 5000 a hlan bawk.