August 21, 2023; Vawiin khan sawrkar hnathawk FMGEW hruaitute leh CM an inbia a, naktukah FMGEW lam hian an kal zel dan tur an ngaihtuah chhunzawm dawn.

Sawrkar hnathawkten dan dinglai anga Dearness Allowance (DA) pek phut-a lungawi lohna an lantir chungchang ah vawiin khan CM Zoramthanga chuan, sawrkar hnathawk inzawmkhawm pawl, Federation of Mizoram Government Employee Welfare hruaitute a sawipui a.

An inkawmnaah hian CM chuan, tun dinhmunah sawrkar sum dinhmun a that loh avangin FMGEW hruaitute chu lo hrethiam hram tur leh lungawi lohna an lantir mek chu titawp turin a ngen a ni.

CM ngenna chungchangah hian FMGEW hruaitute chuan, anmahni a thutlukna siam mai thei an nih loh thu leh naktukah an kal zel dan tur sawi ho tura an inkohkhawm thu an sawi a, naktuk-a an inrawn khawmnaah hian CM ngenna chu an sawiho tur thu an hrilh a ni.