Aizawl April 28, 2023 : Vairengte II Village Council Vice President C. Lallawmzuala chuan Serlui Block Congress Committee Conference 2023 hmannaah MNF ten ramri thil thleng avanga Chief Minister Zoramthanga tawlhloh puan an bah tir kha thil dik tawk lo nia a hriat thu a sawi.

Vairengte II Village Council Vice President chuan, "Ramri hmasawnnaah hian MNF party te hian anmahni tih emaw an tih thin hi a dik lo a ni. Ramri hmasawnna thlentu leh titu dik tak chu Vairengte mipuite kan ni. MNF te chu a fawng chelhtu an nih avangin hmingthat tlem an lo tel ve mai a ni. Mi thenkhat ten Chief Minister Pu Zoramthanga tawlhloh puan an lo bah tir ve ringawt kha a dik lo, tawlhloh puan bat tur dik tak chu khatih laia Vairengte SDO (C) leh Police OC te kha an ni zawk," a ti.