Aizawl June 7, 2023 : Vawiin khan Coordination Committee on Manipur Integrity (COCOMI) te huaihawtin Iboyama Shumang Leela Sanglen, Palace Compound-ah Public Meeting an ko a, he hunah hian Zohnahthlak, Chin-Kuki Narco-Terrorist tia an puh te lakah Manipuri National War an puang. Kuki hnaia awm Meitei te tan Arms license pek thuai an phut.

He public meeting hian Sawrkar laipui (Government of India) chu chu Meitei mipui leh ruihhlo-a sumdawng anga an puh, Chin-Kuki Narco-Terrorist tia an sawi te laka mawhphurhna la turin an ti. kalkhawmte hian hian state chunga tualto hnam te chu Narco-Terrorist (ruihhlo avanga hel) te lakah indona puang turin an ti bawk.

National War against Narco-terrorists chu he public meeting hian a puan tak avangin Public Emergency chu puan nghal a ni a, Kut (festival) ang chi leh hlimhlawp reng reng khap nghal tura tih niin sakhaw thil erawh kalpui phal a ni.

Public meeting chuan resolution-ah siamah Narco-Terrorist te leh thil dangah harsatna awm thei anih avangin tu mah an ralthuam te tung lo turin an ti a, Manipur Valley-a Sipai ten thuneihna an kenkawh anga Kuki hel leh pawnlam mi an thawhpui Hill area-a cheng te laka thuneihna an kenkawh ve hma chu hei hi zawm turin thutlukna an siam bawk.

Meitei kalkhawm te hian tun tum buaina a thi te pual hian Memorial Park siam ni se an ti. Thutlukna an siam dangah sawrkar chuan an state chhunga thingtlang khua te hum turin Village Defence Force din se an ti a. Thukhawm te hian thuneitute chu a rang thei ang berin Kuki hel te laka an him theihna turin an bul hnaia awm thingtlang khua te tan Silai license a rang thei ang bera pe turin an ti bawk.

Source : Imphal Times