Aizawl: Power & Electricity department chuan eng chhit man chu za zelah Rs. 8.09 a tihsan an rawt.
Zirtawpni kalta khan Aijal Club-ah Joint Electricity Regulatory Commission for Manipur and Mizoram huaihawtin eng chhit man chungchanga inrawnkhawmna ‘public hearing’ neih a ni a, hetah hian Power & Electricity department chuan kumthar April 2019 atanga hman tan turin eng chhit man a tlawm ber chi (kurti jyoti) unit khat Rs.1. 75 ni thin chu Rs. 2.50-ah tihsan a, fixed charge Rs. 15 per connection chu Rs. 30 per connection-ah tihsan an rawt.
Public hearing hi JERC (M&M) Chairperson Lalchharliana Pachuau chuan a kaihruai a, Central YMA hruaitu leh official engemaw zat an tel. Tuna rawtna hi JERC chuan zirchiangin rate thar hi a bithliah leh dawn a ni.