ZALEN August 29, 2023 : Vawiin khan India ram inthlannaa thuneitu - Election Commission of India (ECI) te chuan Aijal Club-ah meeting an ko a, he huna tel Congress party chuan ECI hnenah hian lehkha an thehlut a, inthlan puan hnuah MNF sawrkar chu SEDP sem tih tawp tura an duh thu an thlen. 

MPCC aiawha ECI hmutute chuan thu pawimawh an thlen zingah hian MNF sawrkarin SEDP sum an sem hi inthlan puan a nih atang chuan tih tawp hmak a nihna tura hmala turte, Inthlanna kaihhnawiha sum leh therhlo sem a reh theihna tura tan la turte, Tar leh rualbanlo te tana vote thlak dan awlsam zawk ruahman turte, Inrinni leh Pathianni-ah inthlan vote thlak hun ruat lo turte-in an ngen a ni.

Tun tuma Election Commission of India-in State inthlan hmabak inbuatsaihnate enpuia an tlawh hi tih thin dan ni mah se, ECI hotu lian mi 20 chuang an fehchhuah chu thil chhinchhiah tlak tak a ni an ti. 

Aijal Club-ah hian Chief Election Commissioner leh Election Commissioner 2 te bakah ECI office hotu pawimawh thahnem tak leh Mizoram chhunga Election Officer engemaw zat leh political party aiawh te an tel a ni.