August 24, 2023; Congress sawrkar lai, kum 2008-2018 (kum 10) chhung a Parliamentary Secretary leh Minister of State dinhmun chelhtu KS. Thanga chu vawiin khan ZPM party ah lawmluh a ni.

KS. Thanga hi kum 40 bawr vel politics a inhmang tawh niin, kum 30 chhung vel congress ah awmin, chanvo pawimawh tak tak lo chelh tawh a ni a, kum 2008 leh 2013 inthlan ah Aizawl South III bial atangin congress ticket a thlan tlin a ni a, hemi hun chhung hian Parliamentary Secretary leh Minister of State dinhmun a chelh.

Tunhnai mai khan congress atanga banna thehlutin, MPCC president hnen a banna a thehluh ah a banna chhan hrang hrangte a lo tarlang tawh a ni.

KS. Thanga hi vawiin khan ZPM in campaign kickoff na hun Vanapa Hall a an hman ah lawmluh niin, ZPM party ah chanvo pawimawh tak a chelh dawn nia sawi a ni.