July 7, 2023; Congress thalai (MPYCC) chuan, Mizoram State Legislative Assembly Secretariat in thawktu thar a lak danah Zirlai pawl ten fel tawk lo awm a an hriat avanga hna lak cancel tura hma an lakna chu an thlawp tih thuchhuah siamin an tarlang.

MPYCC chuan Mizoram rorelna in sang, pawimawh leh zahawm ber a hnathawk tu lak dan-ah fel tawk lo leh thil tenawm tak awm anga a lang chu pawi an ti hle tih tarlangin, "MNF Sorkar na hnuai a zirlai leh thalai te beidawng hmel hi hmuh hrehawm kan ti tawh hle," an ti. 

MNF sorkar Chief Minister Zoramthanga kaihhruaina hnuaia Minister leh MLA te bakah, speaker Lalrinliana Sailo te hian, an mahni thlan an in laih zawh sak tawh-ah an ngai tih tarlang bawkin, tun thla 4 lo awm tur chhung hian chhilh bo in an awm dawn tih a lang chiang hle tawh-ah an ngai tih an tarlang bawk.