Aizawl: ZPM Thalai Gen. Hqrs. chuan Mizoram ramri chungchang ngaihtuahtu Core Committee thurel chu Mizoram sawrkarin rang takin bawhzui se an duh tih an sawi.

Nimina thuchhuah an siamah ZPM Thalai Gen. Hqrs. chuan August 8, 2019-a Mizoram ramri chungchang ngaihtuahtu Core Committee Meeting, Chief Secretary Chairman-na hnuaia an thu rel chu tha an tiin a hlawhtlin ngei an beisei tih an sawi a.

Zophaia Mosolman Biak In sak mek chu thiat turin Home Department-in a hma thei ang berin hma la se kan ti a, leilet neitute leh an hnathawkte vemhimna thawk tur leh Assam lam atanga hmalakna awm reng reng huai taka lo do let ngam tur police duty-tir ngei ni se an ti bawk.

ZPM Thalai chuan Chief Minister Zoramthanga'n ramri buai chinfelna atana ruahmanna tha sawichhuah chi loh tia a lo sawi chu Core Committee-te thutlukna hi a nih an ring tlat tih sawiin, ministry hian muangchang lovin tihlawhtling ngei turin theihtawp chhuah se an duh tih an sawi bawk.