Aizawl: January ni 8, 2020 khan Mizoram ah COVID-19 positive thar 16 hmuhchhuah an ni a, Mizorama Covid 19 vei tihdam zat (recovery rate) chu 97.89% a ni.

Zirtawpni khan ZMC RT-PCR Laboratory-ah sample 291 (mipa 222 leh hmeichhia 69) test niin COVID-19 positive hmuhchhuah thar 8 an awm a. Positive te hi CRPF 2 bakah Saron Veng, Aizawla cheng hmeichhia hlir 6, naute kum 1 leh naupang kum 3 mite bakah puitling kum 32, 38, 57 & 64 te an ni a, positive contact atanga hri kai nia hriat an ni a, an vai hian home quarantine lai mek, symptom nei lo vek an ni.

District hrang hrang TrueNAT Laboratory-a sample 128 (mipa 103 leh hmeichhia 25) test zingah COVID-19 positive hmuh chhuah thar 2 an awm a. Saituala cheng mipa kum 40 mi, Bihar atanga lo haw, symptom nei lo leh 199 Bn BSF, Pukpui, Lunglei a awmte an ni. Rapid Antigen Test hmanga sample 518 (mipa 334 leh hmeichhia 184) test zingah COVID-19 positive hmuh chhuah thar 6 an awm a. Aizawl district ah Ramthar North mipa 2, kum 60 leh naupang kum 2 mi an ni a. Karimganj, Assam atanga lo haw, home quarantine lai niin kum 60 mi hian symptom a nei te; Zokhawsang a awm 46 Bn. Assam Rifles mi 1 symptom nei te; Lawngtlai district-ah Sangau hmeichhia kum 25 mi, positive contact atanga kai, symptom nei lo te; Lawngtlai IV hmeichhia kum 16 mi, school luh hun a hnai tawh nia hriat vanga sample test tir, hri a kaina chhui mek leh, Siaha district Zero khua hmeichhia kum 15 mi, school luh hun a hnai tawh nia hriat vanga sample test tir, hri a kaina chhui mek te an ni.

Tihian Mizoramah Covid-19 Positive hmuh tawh zat chu 4,275 niin tihdam 4,185 leh enkawl mek 82 an awm a, hetih lai hian Covid 19 vanga thi mi 8 an awm tawh bawk a ni.