India ramah darkar 24 liam ta chhungin coroonavirus kai mi 12,193 hmuh chhuah leh hman niin a hma ni aiin an tam zawk.

India-ah hian tun hnaiah COVID-19 kai hmuh an pun leh deuh avangin enkawl lai pawh an pung hret hret zel a, mi 67,556 an awm mek niin union health ministry chuan a tar lang.

Darkar 24 liam ta chhung hian mi 42-in thihpui leh hmanin mi 5,31,300-in an thihpui ta a, thi chhinchhiah thar zinga mi 10 erawh a hma lama thi, Kerala-a chhinchhiahnaa telh thar an ni.

India-a Covid kai hmuh tawh zawng zawng hi mi 4,48,81,877 an ni tawh.

Hri kai hmuh tawh zawng zawng atanga chhutin enkawl lai hi 0.15% an ni mek a, 98.66% erawh enkawl dam an ni tawh.

Hri kai zinga mi 4,42,83,021 chu enkawl dam leh tawh niin 1.18%-in an thihpui tawh thung.

Ministry-in an website-a a tar lan dan chuan Covid vaccine dose vaibelchhe 220.66 pek a ni tawh bawk.