Aizawl: ZMC laboratory-ah Covid-19 positive 3 hmuh belh a ni a, ti hian Mizoramah Covid-19 vei 107 an awm ta, test zat atanga lakin Covid 19 positive rate hi 3% ah a tlahniam hret a ni.

Ni 11 kalta atang khan covid positive rate hian san lam a pan a, sample endik atanga chhutin 4/5 chhung chu 6.8% ah te a awm hman a. Ningani khan 176 en dikah mi 2 in hripui an kai tih hmuhchhuah a ni a, 1.2% a ni bawk a. Ningani thleng khan sample 3,154 endik tawh niin 3.3% vel positive hmuh chhuah ang a ni a. Zirtawp zan khan ZMC Covid-19 Lab ah sample test 403 atangin positive thar Aizawl District mi, State pawn atanga lo haw, kum 24 leh 57 inkar, ZMC a admit sa mipa 1 leh hmeichhia 2 hmuh belh an ni a (0.8%). Zirtawp ni thleng khan sample 3,555 endik tawh niin positive rate chu 3% ah a awm hrih a ni (mCovid-19 apps). Heti hian Mizoramah enkawl dam tawh pakhat nen Covid-19 vei mi 107 an awm ta a ni.