Aizawl: May ni 14, 2021 khan Mizoram ah COVID-19 positive thar 123 hmuhchhuah a ni a, May ni 10,2021 atanga Mizorama total lockdown puan anih hnua hrikai hmuhchhuah tlem ber ni a ni.

Zirtawpni khan ZMC RT-PCR Laboratory-a sample test 338 zingah COVID-19 positive 38 hmuhchhuah an ni a. TrueNAT Laboratory-a sample test 141 zingah COVID-19 positive 6 an awm bawk a. Rapid Antigen Test hmanga sample test 1182 zingah COVID-19 positive hmuhchhuah thar 79 an awm a ni. 

Zirtawpni a sample test zawng zawng zat hi 1661 (mipa - 1033, hmeichhia - 628) an ni a, positive hmuhchhuah hi 7.40% an ni.

Hrikai thar hmuhchhuah 123 zinga 7 hi state pawn atanga rawn lut an ni a, a bak zawng chu Mizoram chhung atanga inkai darh niin a lang. Hrikai hmuchhuah zinga 50 chuang hi taksa a natna lang chhuak an ni.