Aizawl: Vawiin khan Mizoram Chief Secretary Dr Renu Sharma chuan Lawngtlaia Mizoram leh sawrkar laipui hmalakna hnuaia hmunhma pawimawh hrang hrang a tlawh.

Chief Secretary hi Lawngtlai Bawrhsap Amol Srivastava, Home Department-a OSD-cum-Joint Secretary David H. Lalthangliana leh official dangte'n an tawiawm a. Chief Secretary hian District Hospital Lawngtlai, inchhungkhura hleilenna tawk hmeichhe baihvaite tluk luh lailawkna tur Sakhi - One Stop Centre (OSC), Lawngtlai Bazar Veng, Lawngtlai-III-a Branch YLA te enkawl Lai Cultural Centre-cum-Auditorium (LCCA) te, Kaladan Multi Modal Transit Transport Project (KMMTTP) kawngpui sial mek te, Chawnhua Eklavya Model Residential School leh Electric Venga Govt Fair Price Shop-II te chu a tlawh bawk a. He'ng a hmunhma tlawh hrang hranga hmasawnna tur leh hma lak ngaihna te chu chhinchhiahin, Bawrhsap leh thawktute nen a ṭul anga hma lak zui dan tur an sawi ho nghal zel a ni.

Lawngtlaia hmunhma hrang hrang a tlawh hnu hian Chief Secretary chuan Lunglei panin Lawngtlai hi a chhuahsan nghal a ni.