ZALEN July 29, 2024; Land Revenue & Settlement department minister B. Lalchhanzova'n customer care ah ṭan an la dawn tih a puang.

Vawiin (29.7.24) chhun dar 12 khan a office-ah thuthar thehdarhtute kawmin, revenue department leh mipuite an inpawh lo hle nia a hriat thu a sawi a, mipuite harsatna hrang hrang a tam hle niin a sawi. Theihtawpa ngaihtuahna an sen thu te, hmalakna hrang hrang an neih mek thu te leh hmachhawp an duan thu te a sawi.

"Mipui tana dawr harsa leh nuamlo department nia sawi kan awm thin hi a zialo ka ti hle a, hemi kawngah hian tawngkam bakah lehkha chhuah meuhin kan in fuih mawlh mawlh reng," tiin a sawi.

Sawrkar hnathawk in an tih a awm loh tak sum therhlo beisei ang chi ah complaint mumal tak a luh a, finfiah a nih phawt chuan an enliam dawn lo niin a sawi a, department thawktute chu anmahni dawrtu mipuite dawh thei taka dawr thin turin a chah nghal bawk.

Minister in an deptt. hmalakna a sawi thenkhat :

1. Department chhung lam inthuam that.

2. Land record mumal taka siam tuma hmalak mek a ni.

3. Rambuai chin fel thua hmalak.

4. Mipui leh sawrkar department te nena in dawrna chungchang.

5. Central scheme leh projects

6. Revenue tax tam zawk lakluhna atana ruahmanna.