Aizawl: Zirtawpni kaltaa Serchhip leh Thenzawl inkara saza hliam chu nimin zing khan College of Veterinary Sciences and Animal Husbandry, Selesih a enkawl turin lak a ni.
Zirtawpni chawhnu dar 2 vel khan Serchhip leh Thenzawl inkar Mat lei chhak luikamah Saza hliam hmuh a ni a, Saza hi mi kuttuar ni lovin a chhak kham ko sang tak atanga chesual palha rawn tla a nih an ring a. Thenzawl DFO Staff leh AH & Vety thawktute chuan lain Thenzawl an panpui a, enkawlna tha zawk dawng turin nimin khan CVH&AH Selesih hi panpui leh a ni.
Saza hi a hnung veilam ke tliakin a ruh a rawn lawr chhuak vuh mai a; mahse, a hliam hi a la rei loh avangin Doctor te chuan enkawl dam leh thuai an beisei a ni.