Aizawl April 25, 2023 : Central Young Mizo Association (CYMA) chuan rambuai avanga harsatna tawk, sahimna zawnga Mizoram rawn lut zohnahthlak te chu thlamuang taka awm turin an chah a. Zofate inpumkhatna ti chhe thei zawnga tumah awm lo tur leh Social media-ah pawh inunauna tichhe thei zawnga hma la lo turin mipuite an ngen.

Central YMA Executive Committee chuan thuchhuah siamin Mizoram chhunga document pawimawh hrang hrang - Birth Certificate, Residential Certificate, Tribal certificate, Votes ID etc. te pek chhuah an ni kawngah helam khawihtu te fimkhur turin an ngen bawk. 

Heng document pawimawh te hi khua leh tui te chauhin an neih ngei tur a nih angin a nei tur dik takten hnen a thlen theih nan tan la turin an ngen vawka ni.

CYMA chuan ram chhung mi emaw raltlan an ni emaw Zohnahthlak unau nihna vawng nung zel tura tan la theuh turin mipuite an ngen bawk.