Central YMA chuan tunkar Inrinni (June ni 15,2019) a YMA Day lo thleng tur denchhenin Mizoram pawna Mizo Welfare leh YMA te hnenah tanpuina Rs. 2,00,000.00 hu an semchhuak a. Hei bakah hian Tawngtai Bethel Camping Centre, Sakawrtuichhun ah Rs. 50,000.00 hu eitur pek an tum bawk.

Central YMA chuan kumin YMA Day-ah Sub- Hqrs, Group leh Branch YMA zawng zawng te chu ‘Ram leh Hnam humhalh’ tih thupuia hmanga YMA Day hmang theuh turin an chah. Nimina Day thuchah an siamah CYMA chuan YMA chu tanpui ngaite tanpui tura pawl din a nih angin, veng leh khaw chhunga mi harsa leh chhumchhiate dapchhuak a, a theih ang anga tanpuia a theih leh remchan anga chhawmdawl turin an ngen a ni.