ZALEN September 4, 2023 : Vawiin khan DGP Anil Shukla, IPS chuan a Pisa ah Central YMA hruaitute lengah a sawm a, Mizoram-in Inthlanpui a hmachhawn tur chungchang bakah ruihhlo leh thil pawimawh chi hrang hrang an sawiho. 

DGP hian a ngaihpawimawh chi hrang hrang te leh kumin kumtawpa MLA Inthlanpui lo awm tur chungchangah inthlanna muanawm tak a awm theihna tura YMA te nena thawhho a tul thu sawi. 

Inkawmhonaah hian thil hrang hrang an sawiho bakah Mizorama ruihhlo hluar lutuk leh a tihrem kawnga YMA leh Police te chak leh zuala thawhho dan tur te, ruihhlo ngaite enkawl chungchangte leh a kaihhnawih thil chi hrang hrang an sawiho a. Inthlanpui neih hma ngei a ram pawn atanga ruihhlo lo lut dan kawnga hmalakho ( major operation) chungchang an sawi bawk.

Hemi bakah hian kumin kumtawpa Assembly Inthlanpui kan hmachhawn tura inthlanna muanawm leh thianghlim a awm theihna tura YMA leh khawtlang hruaitute thawhho a tul thu an sawi bawk. 

Inkawmhonaah hian DGP hi DIG (NR) Lallianmawia IPS-in a tawiawm a, Central YMA hỉ President R. Lalngheta’n a ho bawk.