Aizawl : Nimin khan Central YMA SRS leh Mizoram Medical Representatives Association (MMRA) ten MR lem leh dan lo ang a damdawi hralh chungchangah Joint Meeting an nei.

He meeting hi Roneihthanga, CEC; Convener SRS 10th Batch ni bawk chuan a kaihruai a, Roneihthanga chuan, “Heroin theih tawp a um a ni a, a tawm im deuh takah hian Pharmaceutical Drugs a hluar chho hle a, chumi avang chuan SRS hnuaiah Pharmaceutical Abuse Drugs Squad (PADS) din a nim,” a ti. Dan lo ang a damdawi pe chhuak Drug Licence holder pahnih cancel-tir tura umzui mek a nih thu a sawi. Roneihthanga chuan, ‘Make Aizawl City Clean and Safe’ tih thupuia hmangin Aizawl khawpui thenfai tumin theihtawp chhuahin a chhun a zana hma an lak thin thu a sawi.

Central YMA Vice President R. Lalngheta leh Kumpuam Chairman ni bawk chuan thalai thenkhat, an damdawi ei pawh hrechiang lo, a ruih theih tih an hriat vanga ei ve ta mai a an awm thin thu a sawi in, damdawi hmawm chi a hluar chuan OD a thi an tam phah thin thu sawi in MMRA te nen thawhhona tha tak neih a tul thu a sawi.

Mizoram Medical Representatives Association (MMRA) Presi- dent, Lalfingfela Royte chuan MR ni a inchhal MMRA a inziaklut silo ruihhloa inhnamhnawih, dan lo anga damdawi lo hralh rua MMRA tihmingchhe zawnga che an awm thin thu sawi in heng dan lo ang a damdawi zuarte hi kum hnih chhung an hrem bakah thla ruk chhung hna thawk thei lo an siam thin thu a sawi.