Aizawl: Vawiin January 13, 2023 (Zirtawpni) chhun khàn V.L.Thazova chuan Mizoram District khawpui hrang hranga dan lova hnamdang sumdawng leh nitin eichawp zawnga hnathawka khawsate enfiaha dap chhuah hna thawk turin Aizawl Deputy Commissioner Lalhriatzuali Ralte, IAS hnenah ngenna a thehlut a ni.

V.L.Thazova chuan Aizawl khawpui chhungah leh Mizoram hmun hrang hrangah, hnamdang (Vai) sumdawng leh hnathawka khawsa an tam sawt hle niin a sawi a, PC Party chuan ngaihthathat thlak loh an tih thu leh a rang thei ang bera enfiah a, dap chhuah runpui hna thawk tura an ngen thu DC hnenah hian a thlen a ni.

Aizawl Deputy Commissioner Lalhriatzuali Ralte, IAS a awm loh avangin additional DC C.Laltleipuiin chuan PC Party G.S hi a lo dawngsawng a. PC Party in Mizorama dan loa hnamdang khawsate an ngaimawh thu leh enfiah tura an ngenna chu tha taka lo lawmin, theihtawp chhuaha hma an lo lak tur thu a lo hrilh bawk a ni.