April 29, 2023; Nizan zanlai pelh hnu Khawzawl police ten kuhva ro bag 190 leh a phurtu mi 3 an man.

Police thuchhuah tarlan danin, nizan zanlai khan Const. Rohmingliana, 2nd IR Battalion, Khawzawl, 2nd IR Bn. Main Gate duty lai chuan kuhva rah phur nia rinhlelh lirthei pathum lo tidingin Khawzawl PS te rang takin a hriattir nghal a. PS party ten rang taka pan nghalin, kuhva ro, bag 190 (Kg. 15000), dan lova heng lirthei pathum -1). Lalhruaithara (28), Zote, Champhai District (30 bags), 2) Lalzarliana (29), Tlangsam (80 bags) leh 3) Lalhmingtluanga, Tlangsam (80 bags) nia inchhal ten an phurh lai chu an man.

Thil man te hi dan anga hmalak zui turin Superintendent, Custom Preventive Force, Champhai-ah hlan an ni a. "Const. Rohmingliana inpekna, inralrinna leh taimakna te hi entawntlak kan tiin kan chhuang tak zet a ni," tiin police thuchhuah ah tarlan a ni.