India-ah hian hripui leng hi a nasa leh tawh hle a, darkar 24 liam ta chhung pawh khan mi 1,41,986 zet kai hmuh chhuah leh a ni a. Hei hi Omicron vanga puh niin inkai awlsam tak hri hi state 27-ah a kai an awm tawh.

Hri kai zinga enkawl lai mek hi a kai hmuh tawh zat atanga chhuta 1.34% a ni leh tawh a, enkawl dam tawh hi 97.30%-ah a tla thla leh tawh bawk.

Darkar 24 liam ta chhung khan enkawl dam aia a kai hmuh an tam fe zawk avangin mi 1,00,806 zetin enkawl lai hi an pung leh hman.

Darkar 24 liam ta chhung hian endik zinga 9.28%-in hri an kai tih hriat a ni a, chawlhkar khat liam ta chhunga endik zinga kai hi 5.66% a la ni.

Invenna pek beihpui thlak kal mek zelah dose vaibelchhe 150.06 pek chhuah a ni tawh tih health ministry chuan a sawi bawk.

Hri chi thar, inkal awlsam tak, Omicron kai pawh darkar 24 liam ta chhung hian mi 64-in an kai tih hmuh chhuah niin India-ah hian a kai mi 3,007 an awm ta.

Omicron kai hi state 27-ah a kai hmuh tawh niin hripui tuar na ber ni mek, Maharashtra-ah an tam ber a, mi 876-in an kai tawh a. Delhi-in dawtin mi 513-in an kai tawh bawk.

Hetih lai hian Omicron kai hmuh tawh zinga mi 1,203 chu enkawl dam tawh leh ram pawna thawn chhuah an ni.