Aizawl: Romawia Royte chuan Dawrpui Multipurpose Centre-ah Fitness Centre-cum-Gym changtlung tak din a ni dawn tih a sawi.

Sports Minister hian nimin khan Dawrpui Multipurpose Centre hi tlawhin, “Mizote hi hnam hrisel leh fit kan nih theih nan Mizoram sawrkarin hma a la mek a, Fit Mizoram Run pawh tan a ni tawh a,taksa leh rilrua fit turin mi mal, chhungkua, khawtlang leh sawrkar tanho a tul a. Chutianga tanhona hmang chuan Fitness Centre changtlung tak Fit Dawrpui Centre din a ni ang,” a ti a. “Aizawl Hotel-ah te Gym tha a awm loh avangin khualzin tam takin harsatna an tawk a, an chhawr phak Aizawl lailia Fitness Centre tha tak neih hi a tul hle a ni,” a ti bawk.