Aizawl: December 17, 2021 zinga DC Office, Aizawl kang ta sak that dan tur chu cabinet meeting kutah dah a ni tawh a, hetihlai hian DC office kang chungchangah Fire & Emergency Services duty-te information an dawn hun atangin an che chhuak tlai lo va, an lakah action lak a ni lo.

Tun hnai khan Chief Minister Zoramthanga hovin Aizawl DC office sak that dan tur chungchang ah meeting neih a ni a, sak that dan tur rawtna hrang hrang awmte chu thlirhovin cabinet meeting-in a lo ngaihtuah zawm turin thu tihtluk a ni.

Assembly budget session neih zawh taka Thorang bialtu MLA Zodintluanga zawhna, General Administration Department (GAD) changtu chief minister-in ziak a a chhan danin, Aizawl DC office kang chungchangah sawrkarin enquiry ti tura a tih angin enquiry report lak a ni a, peih fel a ni tawh.

Kangmei chhuak chungchangah Fire & Emergency Services duty-te information an dawn hun atangin an che chhuak tlai lo tih CM chhannaah tar lan niin hemi vang hian fire service duty-te lakah action lak a ni lo.

DC Office, Aizawl kang taah office file/document kang chhia a awm a, file/document chhinchhiahna nen lama a kan avangin a kang chhe zat hriat theih a ni lo.