Aizawl February 9, 2023 :  Mizoram Pradesh Youth Congress Committee (MPYCC) chuan National Health Mission (NHM) hnuaia thawk ten December 2022 leh January 2023 hlawh vawiin thlengin la la lo niin thuchhuah an siamah an tarlang a, a rang thei ang bera an hlawhte pe chhuak turin Mizoram sawrkar an phut.

MPYCC chuan December 2022 & January 2023 thlabi hlawh atana Central Sawrkarin a tum ve tur (90:10) chu December 24, 2022 daih tawh khan Mizoram Sawrkar-ah an rawn release tawh tih an ti a, engti kawng maha chhuanlam siam lo tur leh tikhawtlai lova NHM thawktute hlawh hi pe chhuak nghal turin Mizoram Sawrkar hi kan phut a. A tulna apiangah NHM thawktute thlavang an hauh tlat zel dawn an ti.

National Health Mission (NHM) Mizoram hnuaiah hian 4th Grade atanga Doctor Specialist thlengin mi 2200 chuang an thawk mek an ti a, hah pawh sawi thei lovin mipuite hrisel nan indaihlo tak chung a duty te thlabi hlawh Sawrkarin a batsak thin chu MPYCC chuan vanduaithlak an tih thu an sawi.