India-a thlasik intan mekah Delhi chu Inrinni tuk atang khan a vawt thar hle a, 6°C niin a nih dan thin pangngai aiin 2°C laiin a vawt zawk.

Zing dar 8:30 velah humidity chu 91% a ni bawk tih meteorological department-in a sawi.

Delhi-ah hian boruak pawh a la tha lo va, ‘chhia’ huangah la awm zelin zing dar 9:10-ah khan PM2.5 level chu 290 a la ni.

Air quality index (AQI)-ah hian 0 leh 50 inkar chu ‘tha’ a ni a, 51 leh 100 chu ‘la awm theihna’ a ni a, 101 leh 200 inkar chu ‘tha pangngai’ tih a ni a, 201 leh 300 inkar chu ‘tha lo’ a ni a, 301 leh 400 inkar chu ‘tha lo tak’ tih niin 401 leh 500 inkar chu ‘hlauhawm’ tia then a ni.

Khawchin zirtute chuan ni chhuak a tha a, chhun lamah chuan khaw vawt chu a ziaawm leh tur thu an sawi lawk a, a lum lai berin 25°C a kai leh thei.