Vietnam atanga India-a lo haw nupa tuak khatte kut atangin silai 45 zet man a ni a, a hlut zawng hi Rs. 22.5 lakhs zet a ni. Heng silaite hi Indira Gandhi International Airport-ah man a ni a, a neiute pawh hi man nghal an ni. 

Silai tam tham tak hi trolly bag pahnih atangin man a ni a, a neitute hi a hma pawhin silai tawlhruk avangin man an lo ni tawh nghe nghe. A hmain silai 25 man sak an lo ni tawh a, tun tuma an man nen chuan silai 70 zet an kut atang hian an mansak tawh a ni. 

Custom official te chuan an man tak nupate hi Thawhtanni khan Vietnam atangin Delhi Airport-ah an tum tih an sawi a, an fanu thla ruk mi an hruai tel bawk. A mipa zawk hi kum 41 mi a nih thu leh a nupui hi kum 32 mi a nih thu an tarlang.