ZALEN November 8, 2024 : Sports Minister hlui Robert Romawia, MLA chuan Sports thei bikte puala chanvo 'Incentive cash award rules 2001 chu sports thei bikte duhsakna avangin 'Mizoram sports incentive cash award scheme 2022' a thlak a ni. He rules leh scheme te hi Mizo infiammite leh sawrkar sports enkawltu ten an hrechiang lo pawi a tih thu a sawi.

Vawiina chanchinbumite a hmachhawn naah Robert Romawia chuan tun hnaiah incentive cash award chungchangah hian thil hriat chian tawk lo a awm niin a sawi a, Asian Arm-Wrestling International Cup-a Gold medalist Denic Lalruattluanga chungchang sawi langin Asia champion ten an dawn zat tur dawng mai tura a ngaih thu leh mi dang pawh an dawn tur zat pek mai tur a ti a, medal la ve ta lo pawh participation prize dawng tur a nih thu a sawi bawk.

2022-a Mizotam sports incentive cash award scheme hi tun thlenga hman mek a ni. He rules 2001/ scheme 2022 ah hian incentive cash awards dawng thei tur bik sports discipline an awm chuanglo. Incentive cash award te hi competition based a siam a ni a, sports discipline based a siam a ni lo a ti.

Robert Romawia chuan eng sports discipline pawh ni se Indian Olympic Association hnuaia Sports Federation inziaklut te huaihawt leh hriatpui competition/tournament a medal dawng a nih chuan Mizoram sports incentive cash award scheme 2022 angin sumfai lawmpuina aan dawng tur a ni tih chiang taka ziahlan a ni, a ti.

Sports minister hlui chuan eng sports discipline tan pawh heng international competition a medal la te hian incentive cash award an dawng thei tih a sawi a, pawm chin tournament /games/championship erawh a ngai a ti a, heng tarlan zingah hian Olympic qualifying tournament tih loh zawng chu medal la pha kherlo pawh, a tel hrim hrim anih chuan Mizoram sports incentive cash awad scheme 2022 angin sumfai lawmpuina an dawng thei vek niin a sawi.