Tyson Fury nena an inhnek hnua a vawi khat nan WBC heavyweight champion hlui Deontay Wilder chuan inhnek leh a tum. 

American hi Finland lam mi Robert Helenius nen October ni 15 khian Brooklyn hmuna Barclays Center-ah an in hmachhawn ang. 

Nikum October thla khan Welder leh Fury hi inhnekin round 11-naah Welder hi a tlawm a ni. Tunhnai mak khan Briton Fury hian WBC title kawl mek chhungin boxing a chawlhsan thu a puang nghe nghe a, a rawn luhchilh leh a ngem tih a hriat rih lo. 

Welder chuan,"Hun rei tak hnuah bul kan tan thar leh dawn a ni a, ka la khelh chhunzawm zel dawn nge ka chawl ve tawh mai dawn tih hi kei pawhin ka ngaihtuah ve fo thin. Mahse, ka tih tur ka la hlen chiah lo niin ka hria a, chuvangin inhnek leh rih ka thlang ta zawk a ni," a ti.