ZALEN September 28, 2023 : DIET zirlai (Trainees)  te chuan DIET campus huam chhunga mi DIET Principal Quarters chu Government Aizawl North College Campus-a rinluh tuma hmalakna a awm tih leh Mizoram Cabinet September 27-a neiha Agenda a sawiho a ni tih an hriatin hriatthiam harsa an tih thu an sawi.

DIET zirlai te chuan hetianga inhrilh hriatna leh inrawnna awm lo a, an institution ram neih sak tuma, chuhpui an ni chu an hriatthiam loh thu leh he hmalakna hi an dem tih an tarlang. He ram Land Lease-a a landan chuan DIET ram chhung hi 'for the location and purpose of DIET' tiin a inziak a ni, an ti.

DIET zirlai te chuan an zirna hmunhma chu LAD Office atan te, Trade and Commerce Office atan te, MBSE leh SCERT buailding atan te, Ramhlun North Bazaar atan te, PHE Site Office leh Govt. Aizawl North College building atan te sahthlak a lo ni tawh. Ramhlun-Chaltlang Road Widening atan te leh Aizawl smarat City Project hnuaiah DIET Playground-ah Multipurpose Hall sak hna kalpui mek a ni, an ti bawk.

India rama DIET mumal taka kal 613 zingah Centre for Excellence atan DIET 125 thlanchhuah zingah DIET Aizawl chu a tel an ti a. centre for Excellence hian grant Cheng Vaibelchhe 15 a keng tel dawn a, Hostel 4, Quarters, parking Area, Green Space leh teachers education atana pawimawh sak a ngai dawn a, a lan dan atanga chuan tuna an ram nekh chhunah hian heng an sawi te hi an sa puitling thei a ngem tih pawh ngaihtuah ngai a ni, an ti.