-Er. Chhungpuia Renthlei

Digilocker hi enge ni?

DigiLocker chu India sorkar in India khua leh tui te hnena a IT Act hnuaia electronic media hmanga  original ducment anga hman theih tur documents & certificates hrang hrang min pekchhuah theihna leh him taka internet a kan document pawimawh kan dahkhawl theihna hi a ni.

Digilocker hi Digital India hnuaia India sorkar hmalakna pawimawh tak (Flagship Program) a ni. Prime Minister Narendra Modi chuan 1st July, 2015 khan a duh apiang hman theih turin a tlangzarh.

A tum ber chu atul hun apianga khawi hmun atang pawh a awlsam leh rang taka lakchhuah theih tura documents & certificates him taka dahkhawm a ni. Tin, hard copy xerox tam lutuk tih tlem nan a ni bawk .

DigiLocker a documents & certificates te hi chi hnih a then a ni.

1.Uploaded documents: Documents kan upload te

2.Issued documents :Digital signature nena document min rawn issue sak te

Kum 2017 February 8 khan India sorkar laipui chuan IT Act 2000 hnuaiah Digilocker hmanga documents issue te hi original anga pawm vek tura anih thu a ti chhuak tawh bawk. Ministry of Road Transport and Highways (MVLSection) chuan driving license, registration certificate leh lirthei kaihhnawih documents reng reng DigiLocker hmanga issue te hi India ram puma pawm vek anih thu notification tichhuak bawk ( No. RT-11036/64/2017-MV. letter dated : 08/08/2018). Engemaw bik thila an phut kher anih loh chuan Driving license hard copy keng kher lovin lirthei pawh kan khalh thei tihna anih chu.

DigiLocker Layout leh features

DigiLocker Layout hi hlawm hrang hrangah then a ni.

1. Dashboard:

Login veleha page rawn lang hmasak ber, information pawimawh tarlanna.

2. Issued Documents:

Document issue list leh pechhuaktu link tarlanna leh download theihna.

3.Uploaded Documents:

Document kan upload list tarlanna leh atul anga update leh share na

4.Activity:

DigiLocker a file upload, download leh kan thil tih hrang hrang chhinchhiahna

5 .Issuer:

Documents min issue saktu list tarlanna.

6. Drive : Keimahni document kan dahthatna hmun

Enge a tangkaina?

Lehkha pawimawh - Driving licence, voter’s ID card, education certificate, PAN card, Aaadhar Card, migration certificate e.t.c zawn buai leh hmun hrang hranga kenkual ngai lovin, internet kan khawih theihna hmun apiangah, digital device - cell phone, tablet, computer hmangin kan mamawh kan haichhuak zung zung thei. Mizoramah pawh Class X, XII Certifcate & Marksheet, Driving Licence leh Vehicle Registration te pawh orginal keng kher lovin kan hmang thei tawh. Nakin lawkah chuan Caste Certificate, Residential Certificate, Income certificate .e.t.c te pawh issue theih a la ni ang a, mipui ten awlsam zawkin keimahni document pawimawh kan la chhuak zung zung thei tawh dawn a ni.

Hei bakah hian in, Digilocker hi keimahni documents pawimawh dah that nan kan hmang thei. Uluk taka scan a, upload mai tur a ni. Keimahni dah chawp te erawh hi chu original document anga hman a theih loh. Document him taka kan dahthatna a ni mai.

Register/ Sign up dan:

DigiLocker hmang tur chuan kan in sign up ve phawt a ngai .India citizen tupawh India ram chhunga cheng tupawhin kan signup thei. DigiLocker hi Aadhaar Card nena kalkawp tlat anih avangin Aadhaar Card neih ngei ngeia ngai

1.DigiLocker Website https://DigiLocker ah luh tur. Tin, Google Play Store & Apples iTunes atangin Digital Locker App hi a download theih bawk

2. Sign Up Button ah click la, registration form fill up tur a rawn lang ang.

3. registration form ah khan Aadhaar card a ziah ang chiahin i hming, date of birth, Male/Female, Mobile No, Email ID, Aadhaar No fill up rawh

4. Security PIN (6 digit) i duh duh type rawh. (Chhinchhiah tur)

5. Submit Button ah click rawh.

6. Mobile no a rawn verify anga, a dik chuan SMS hmangin OTP i dawng ang. OTP kha enter rawh.

5. Username & Password tur type leh la,Tichuan, DigiLocker accounts i siam zo ta.

Digilocker a luh (Sign in) dan

1.DigiLocker Website https://DigiLocker .gov.in ah luh rawh.Tin, Mobile i hmang anih chuan Digilocker App hawng rawh

2. Sign in Button ah click la Mobile No/Aadhaar No leh 6 digit security hmang emaw, username leh Password type rawh

3. Tichuan, Digilocker i ah i lut anga, document issue leh upload a tih theih ang.

4. 6. Profile option ah lut la, i profile a update theih ang. Tin, Nominee ziahna turah khan i nominee tur i nu/pa/ fa e.t.c a dah theih bawk.

Hriattur pawimawh:

1.DigiLocker Website https://DigiLocker .gov.in

2.Mi pakhat tan 1GB starage capacity a ni.

3. File pakhat upload tur hi 1Mb aiin a lian tur a nilo.

4. pdf, jpg, jpeg, png, bmp, gif File type a support

5. File te hi hming mumal tak pek tur

DigiLocker website a an tarlan danin DigiLocker hmangtu te hi Kumin 2022 July thleng hian India ramah Digilocker kaltlanga document pekchhuah tawh zat hi 514.00 crore lai a tling tawh a, Document issue theitu organization hrang hrang 2139 an awm mek bawk. Tunah hian India mipui 11.4 crore lai digilocker ah kan in register tawh bawk. Nitin in register thar an awm reng a, Digital Locker hi ila hmang velo anih chuan han hmang ve rawh le.