July 24, 2023; Vawiin tlai dar 2:30 bawr vel khan Dinthar veng, Aizawl a B. Zoramthara In, Assam type chu a chim a, mi pahnihin hliam an tuar a, vanneihthlak takin inhliamna lutuk leh nunna chan an awm lo.

Dinthar Branch YMA hruaitute hnen atanga ZALEN thudawn danin, in chim chhan hi an in sakna tur leih laih vang nia ngaih a ni a, B. Zoramthara te chhungkaw luahlai niin, in neitupa B. Zoramthara, kum 75 mi chuan a lu ah hliam tuarin, a khel lam na a ti bawk a, an monu Zoramlianin a ke ah hliam tenau tuar bawkin, ngaihtuahawm an ni lo nia thudawn a ni.

 In chim hi Dinthar khawtlang chuan vawiin tlai khan a senghawi hna an thawk nghal a,in chim neitute hian an bul hnaia awm an chhungte an bel rih dawn nia thudawn a ni bawk.