Aizawl: Urban Development & Poverty Alleviation Minister Tawnluia chuan, "Kolasib ah scientific hmanga bawlhhlawh sawngbawlna hmun din a ni tawh a. District khawpui dangah te pawh scientific solid waste management centre hi

Nimin zing Aijal Club park a Faina Hapta vawi 45 hawnna hun a hmanpuina ah he thu hi sawiin UD&PA Minister tawnluia chuan, "Mizoram chu pawna inthiar awmlohna 'open defecation free' state kan ni tawh a, hei hi duhtawk mai lovin step 1 a ke pen belhin ODF plus ni turin tan kan la mek a ni," a ti a. 

Bawlhhlawh sawngbawl kawngah Mizoram chuan nasa takin hma a sawn tih sawiin, "Bawlhhlawh te hi hman tangkai kan tum a. Bawlhhlawh thliarhran hi mitin mawhphurhna a ni a, plastic hman tlem kan zir a ngai a ni," a ti bawk.

UD&PA Minister chuan kumin faina hapta thupui 'Faina, kan in leh a chhehvel atangin' tih chu a pawimawh hlea a hriat thu sawiin, "Kan thupui hi kan nunpui loh emaw tumna tak tak kan neih loh chuan a hlawhtling dawn lo a. Keimahni ah fai pawimawhzia kan hriat a, kan nunpui chuan kan hrisel dawn a ni," a ti a. Faina hapta hman chhungin sawrkar pisa, zirna in leh damdawi in ah te faina beihpui thlak a ni dawn tih a sawi bawk.

Faina hapta hmanna a khuallian UD&PA Minister hian bawlhhlawh thliarhran kawnga thawk tha ber Chawnpui Local Council hnenah lawmman a hlan a. Faina hapta hawnna hmanpuitu Lengteng bialtu MLA L.Thangmawia chuan mipa sanitation worker hnathawk tha ber Rinawma hnenah lawmman a hlan a. Mamit bialtu MLA Er. H.Lalzirliana chuan hmeichhe thawk tha ber Lalbiakmawii hnenah lawmman a hlan bawk.