July 7, 2023; Nimin chawhnu dar 3 khan Siaha Press Club ah Dr. K. Beichhua, MLA chuan thuthar lakhawmtute kawmin, BJP a zawm tur thu a sawi.

Dr. Beichhua chuan, Minister atanga paihthlak a nih hnu lawkah MNF primary member a nihna hlihsak zui a ni tih sawiin, "CM thupek zawm a engkim kalpui ka ni a, vawiin ni thleng hian paihthlak ka nihna chhan ka hre bik lo, a ti."

Tarlan tawh angin, MNF ministry a minister of state Dr. K. Beichhua hi nikum December ni 13 khan CM thurawn angin, minister atanga banna a thehlut a, chumi hnu kumin January ni 25 khan MNF party primary member atangin chawlhtir leh a ni.

Dr. K. Beichhua hi kum 2013 inthlan khan MNF ticket in Siaha bial atangin thlantlin a ni a, chumi hnu inthlan hnuhnung ber 2018 khan a bial ngai ah MNF ticket vekin thlantlin a ni a, MNF sawrkar ah MoS niin, AH&Vety, Excise, Social Welfare leh Sericulture te a enkawl thin.