Aizawl: Tuichang bialtu MLA, Dy. Chief Minister Tawnluia'n Khawzawl District Hospital-a dah tura a ruahman, damdawi chi hrang hrang vawn thatna Deep Freezer 1 leh Ice Lined Refrigerator pahnih (a lian leh a te) chu nimin zing khan Khawzawl a thleng a. Khawzawl District Hospital-ah Khawzawl District Bawrhsap Zothanmawia hovin lo dawn sawn a ni. 

Khawl thleng tharte dawnsawnna pual  inkhawm tawi neih hi K. Thangliana, Chairman, Khawzawl Joint YMA-in a kaihruai a. He hunah hian Khawzawl District Bawrhsap bakah Dr. Frank Harris, District  Medical Superintendent, Dr. Albert Lalhminghlua MO, K.Lalnunsanga, Sub-Headquarters YMA President leh  C.Kera ten thu tawi an sawi a ni.