Kum dang ang bawkin ruah tui a tla leh tan a, tuihawkin a len bawlhhlawh te pawh khawlaiah hmuh tur a tam leh nghal hle. bawlhhlawh paih kawngah hma kan la sawn lo hle a tih theih a, kan kawtkai-ah nitin bawlhhlawh paih a rawn kal hnuah pawh hmun tina bawlhhlawh inchhekkhawl ruahsur in leh chhuah tur tam tak tur kan la nei reng mai hi kan inenfiah a tul tak zet a ni.

Khawpui daifem-ah han kal ila, kawngsir bawlhhlawh paih vum hmuh tur a tam em em mai te hi a zahthlak a, heng mi te hian engvangin nge heng hmunah te hian bawlhhlawh hi an paih tih pawh hi ngaihtuah tham tak a tling. 

Kan khawchhunga kawr te han en mai pawh hian bawlhhlawh hmuh tur a tam em em a, tui luang fim tak hmuh tur a awm meuh lo, a nu satliah mai pawh a ni lo, kan kawr tui te hi a dum em em vek mai a ni. Kawr tam tak te phei hi chu lirthei silna atan pawha tlak lo te a ni.

Khawpui daia kan lui te  pawh a bawlhhlawh em em bawk a, mi tlawmngai ten theihtawp chhuhin han  tifai thin bawk mah se, bawlhhlawh hian kian zai a rel lo a ni ber a, an thenfai apiangin bawlhhlawh tam tham tak chhar tur hi a awm reng a ni ber mai.

Kan bawlhhlawh paih danah hian eng angin nge hma kan sawn theih ang tih hi ngaihtuah tham tak a tling a, eng anga hmalak tur nge ni ang tih ah hian kan rilru pawh kan sen tlan a ngai ta hle. Mipui te hian bawlhhlawh kan paih dan kawngah ngaihtuahna kan sen a tul tak zet a ni.

Kan khawpui chhungah te hian mipui tana bawlhhlawh han paih mai na tur Bawlhhlawh bawm a awm mumal lo te pawh khawlaia bawlhhlawh a tam chhan te pawh a ni thei a, kan thil ei leh in na ruak te han paih mai na tur te hi a vang thin hle a, chuvangin a remchang kawrah te kan paih mai thin niin a lang a, thuneitu lam pawh hian mipui tana bawlhhlawh paihna tur Bawlhhlawh bawm hun te pawh hi thil tih chi tak tur niin a hriat. Hei hian kan bawlhhlawh khawilai kawr vela kan paih mai mai thin ruah a sur a, tuihawkin a rawn lenchhuah thin pawh hi a tlem phah ngei a rinawm.