August 9, 2023; Excise & Narcotics Department chuan tukin khan hmun hnih ah mi pathum hnen atangin ruihhlo thahnemtak an man.

END chuan tukin zing dar 6:30 khan Zuangtui (ZEDA peng), Aizawl-ah heroin Kg 1 & Gram 5 (Hawng 86) leh a neitu nia puh mi pahnih – Biakzaawi (25) s/o Ralsum, Falam, Myanmar (Tuna Bawngkawn Brigade Venga khawsa mek) leh Priscilla Biaklenmawi (20) d/o Nunkam (L), Falam, Myanmar (Tuna Zokhawthara khawsa mek) nia inchhalte chu an man. Heng heroin vanga man mi pahnihte hi Myanmar ram buai vanga raltlana Mizorama khawsa mek an ni.

Excise & Narcotics Department leh CADS thawkdun chuan tukin zing dar 2:10 khan Thenzawl Vengthar (Horticulture Road)-ah heroin gram 249 (Hawng 20) leh a neitu nia puh – Lalhmangaihtluangi (24) d/o Zodingliana, Thenzawl Vengthar nia inchhal chu an man bawk.

Heroin vanga mante hi The Narcotics Drugs & Psychotropic Substances Act, 1985 (NDPS Act) tlawhchhanin thubuai siamsak an ni a, vawiin khan Court-ah hruai nghal an ni.

Heroin vanga mante hi thiamloh chantir an nih chuan Kum 10 atanga kum 20 thleng Jail tantir leh pawisa Rs. 1,00,000 atanga Rs. 2,00,000 thleng chawitir bawka hrem theih an ni ang.