August 22, 2023; Excise & Narcotics Department (END) chuan tukin dar 9:15 khan Edenthar Veng-ah meth-amphetamine Kg 9.782 (tablet 1,00,000) leh he ruihhlo lei leh hralhnaa inhnamhnawih nia puh mi 5 an man.

Ruihhlo an man sak te hi Manik Debnath (39) s/o Nikhil Debnath, Bagber; Ram Chandra Das (35) s/o Kalpada Das, Madhya, Kalamchowra, Boxanagar, Sepahijala, Tripura West-a khawsa ve ve; Zonunsanga (32) s/o Ramhluna (L) leh Lalruatzela (31) s/o Lalringliana, Khawmawi, Myanmar-a khawsa ve ve nia inchhal leh Khawpuimawia (32) s/o Biakthanga, Khawmawi, Myanmar, tuna Edenthar venga khawsa mek nia inchhalte an ni. 

Meth-amphetamine te hi Tahan, Myanmar atanga lak niin, Manik Debnath leh Ram Chandra Das te hian State danga hralh chhawn leh atana an tih a ni. Heng methamphetamine lei leh hralhna sum leh a phurhna atana hman Maruti Bezza Car (Regn No MZ01X-0090 pawh man tel nghal a ni.

Meth-amphetamine vanga mante hi The Narcotics Drugs & Psychotropic Substances Act, 1985 (NDPS Act) tlawhchhanin thubuai siamsak an ni. 

Meth-amphetamine vanga mante hi thiamloh chantir an nih chuan kum 10 atanga kum 20 chhung hrehawm taka Jail tantir leh pawisa Rs.1,00,000 atanga Rs. 2,00,000 thleng chawitir bawka hrem theih an ni ang.