Aizawl: Mizoram Excise & Narcotics Department leh BSF tangkawp chuan methamphetamine thahnem tak an man.

Excise & Narcotics Department leh Border Security Force (Sector Hqrs BSF Intelligence Unit, Durtlang, 38th Bn. BSF Sakawrtuichhun leh Frontier Hqrs, Silchar, Assam) te thawkho chuan 11th February, 2022 (Zirtawpni) tlai dar 3:10 khan North Chhimluang (NH – 306 / Aizawl to Silchar Road) khaw daiah Methamphetamine 12.8 Kgs leh a neitu nia puh mi pahnih Shamir Deb (49) S/o Rabindra Deb (L), Sonai road, Silchar, Assam leh Solomon Zonunmawia (35) S/o Thangkhuma, Khawmawi, Myanmar-a khawsa nia inchhalte an man. Heng methamphetamine an mante hi Myanmar atanga lak, State pawn lama hralh tur a ni.